عمران خان چرب زبانی اور جھوٹے دعووں سے ملک نہیں چلاسکتے،لیاقت بلوچ
3سال پہلے
لاہور05نومبر2021ء
نائب امیر جماعت اسلامی، سیکرٹری جنرل ملی یکجہتی کونسل لیاقت بلوچ نے منڈی بہاؤالدین، کالووالی، قصور کھڈیاں، راجووال اوکاڑہ میں سیرت کانفرنس اور مدارس کے پروگرام سے خطاب کیا۔ سابق امیر ضلع قصور سینئر رہنما میاں مختار احمد اور لاہور میں نوجوانوں کے وفد سے ملاقات میں کہا کہ عمران خان نے قوم سے پُرفریب خطاب کیا اور پٹرول، آٹا، چینی کی قیمتوں میں ہوشربا اضافہ مسلط کردیا ہے۔ حکومت ناکام ہے، آئی ایم ایف کی پوری غلامی اختیار کرلی گئی ہے۔ مسلسل ریکارڈ توڑتی مہنگائی ناقابل برداشت ہے۔ حکومت کا شیرازہ بکھرا ہوا ہے۔ عمران خان چرب زبانی اور جھوٹے دعووں سے ملک نہیں چلاسکتے۔ وزیراعظم فوراً استعفیٰ دیں، پارلیمنٹ میں نمائندہ جماعتیں عبوری مدت کے لیے آئینی حکومت سازی کریں اور بلدیاتی انتخابات، انتخابی اصلاحات اور عام انتخابات کرائے جائیں۔ عمران سرکار سیاست، جمہوریت اور پارلیمانی آئینی نظام کے لیے بہت بڑا خطرہ بن گئی ہے۔
لیاقت بلوچ نے کہا کہ وفاق، پنجاب اور خیبرپختونخوا میں حکومت نااہل، ناکام اور کھلنڈرے، غیرذمہ دار افراد کے ہاتھ چڑھی ہوئی ہے۔ اپنی ناکامیوں کو چھپانے کے لیے پولیس اور سول افسران کے مسلسل تبادلوں کا مکروہ، خوفناک اور ناپسندیدہ کھیل کھیلا جارہا ہے۔ ریاستی اداروں میں تناؤ ہے، سول بیوروکریسی، پولیس میں اعتماد کا فقدان ہے، عوام مہنگائی اور بدانتظامی کے ہاتھوں دربدر ہوگئے ہیں۔ تین سالوں میں لاتعداد تبادلوں سے حالات خراب تر ہوئے ہیں۔ مسئلہ گورننس کا ہے۔ گُڈ گورننس شفاف اور غیرجانبدارانہ انتخابات سے آئے گی، تبادلوں کے سونامی سے نہیں۔ حکومت کا خاتمہ نوشتہ دیوار ہے۔
لیاقت بلوچ نے صحافیوں سے گفتگو میں کہا کہ وزیراعظم کا ریلیف پیکج فراڈ ہے۔ تین سالوں میں کئی ریلیف پیکجز کا اعلان ہوا، لیکن کسی اعلان پر بھی عملدرآمد کا حکومتی میکنزم نہیں۔ وقتی، نمائشی پریس کانفرسوں سے اب حکومت کاکام نہیں چل سکتا۔ عوام اب اس بات پر یکسو اور متفق ہیں کہ حکومت نااہل اور کرپٹ مافیا کی سرپرست ہے۔ مہنگائی مافیا خود حکومت کی چھتری تلے دندنا رہی ہے۔ رات کی تاریکی میں پٹرولیم مصنوعات کی قیمتوں میں اضافہ رات کی ڈکیتی ہے۔
حج میں جانور ذبح کرنے کا مسئلہ
( سید ابو الاعلیٰ مودودیؒ )
ذکرِ الٰہی اور اس کے طریقے
( سید ابو الاعلیٰ مودودیؒ )
ملازمین کے حقوق
( سید ابو الاعلیٰ مودودیؒ )
حضرت علیؓ کی امیدواری خلافت؟
( سید ابو الاعلیٰ مودودیؒ )