نوجوان اس ملک کا قیمتی سرمایہ ہیں، نوجوانوں کو ساتھ ملا کر نومبر میں نظام بدل دو تحریک کی بنیاد رکھیں گے حافظ نعیم الرحمن

4گھنٹے پہلے

نوجوان اس ملک کا قیمتی سرمایہ ہیں، نوجوانوں کو ساتھ ملا کر نومبر میں نظام بدل دو تحریک کی بنیاد رکھیں گے,حافظ نعیم الرحمن
نوجوان نہیں مستقبل میں سیاسی قبضہ گروپ مایوس ہوگا۔ امیر جماعت اسلامی کا اسلام آباد میں بنو قابل پروگرام سے خطاب
اسلام آباد() امیر جماعت اسلامی پاکستان حافظ نعیم الرحمان نے کہا ہے کہ نوجوان اس ملک کا قیمتی سرمایہ ہیں، نوجوانوں کو ساتھ ملا کر نومبر میں نظام بدل دو تحریک کی بنیاد رکھیں گے۔نوجوانوں کو پاکستان سے مایوس کیا جاتا ہے،جس میں سب کچھ موجود ہے۔
مستقبل میں مایوس نوجوان نہیں سیاسی قبضہ گروپ ہوگا۔
ان خیالات کا اظہار انہوں نے الخدمت فاؤنڈیشن کے زیر اہتمام اسلام آباد میں منعقدہ "بنو قابل پروگرام " کے تحت طلباو طالبات کے انٹری ٹیسٹ کے شرکاء سے خطاب کرتے ہوئے کیا۔ اس موقع پر الخدمت فاؤنڈیشن پاکستان کے صدر ڈاکٹر حفیظ الرحمان، جماعت اسلامی اسلام آباد کے سیکرٹری جنرل زبیر صفدر، بنوقابل پروگرام کے چیف ایگزیکٹیو نوید بیگ اور الخدمت اسلام آباد کے صدر الطاف شیر نے بھی خطاب کیا۔ طلباو طالبات نے ہزاروں کی تعداد میں ٹیسٹ میں شرکت کی۔ حفظ نعیم الرحمان نے اپنے خطاب میں کہا کہ
جماعت اسلامی نوجوانوں کے ساتھ ہے ، یہ نوجوان ملک میں انقلاب برپا کریں گے اور ملک کو ترقی کی راہ پر گامزن کریں گے، ایک خاص طبقہ پاکستان پر مسلط ہے جس کےپاس کوئی پالیسی نہیں اور نہ ہی نوجوانوں کو رہنمائی دی جا رہی ہے،
آج نوجوانوں کی بڑی تعداد اس ٹیسٹ میں شریک ہے، طلبا کو مزید کورسز بھی کرائیں گے،
پاکستان کے نوجوان انقلابی نسل ہے جوصلاحیتوں سے مالا مال ہیں، نوجوانوں کو پاکستان کے حوالے سے مایوس کیا جاتاہے، پاکستان میں بےپناہ مواقع موجودہیں، حافظ نعیم الرحمان نے کہا کہ کتنی بدقسمتی کی بات ہے کہ تین کروڑ بچے آج بھی سکولوں سے باہر ہیں، پاکستان کے دارالحکومت اسلام آباد میں بھی لاکھوں بچے سکول نہیں جا پا رہے، ہمارے ملک میں صرف 12فیصد بچے اعلی تعلیم حاصل کرپاتے ہیں اور ان کے والدیں بھی انتہائی مشکلات برداشت کر کے انہیں تعلیم دے پاتے ہیں، امیر جماعت اسلامی نے کہا کہ صرف 57 لاکھ بچے تعلیمی اداروں میں داخل ہیں بچوں کے پاس تعلیم حاصل کرنے کے مواقع ہی نہیں ہیں 57لاکھ بچوں کو مفت تعلیم دینے پر صرف چند ارب روپے لگانا پڑیں گے لیکن یہ حکمرانوں کی ترجیح ہی نہیں ہے، اربوں روپے آئی پی پیز کوادائیگیاں کی جا سکتی ہیں لیکن تعلیم پر خرچ نہیں کیا جا تا انہوں نے کہا کہ ملک میں تمام بچوں کومفت تعلیم دیناہوگی، تعلیم دولت کی بنیاد پر فراہم نہیں ہونی چاہیئے، امیر و غریب ہرکسی کو معیاری تعلیم ملنا اس کا بنیادی حق ہے، ملک میں ہر کسی کو معیاری تعلیم ملنی چاہیے،ل۔ امیر جماعت نے کہا کہ اگر بنوقابل جیسے پروگرام کے ذریعے معیاری تعلیم کی فراہمی
کا یہ کام جماعت اسلامی اور الخدمت فاؤنڈیشن کرسکتے ہیں توریاست بھرپور وسائل ہونے کے باوجود یہ کام کیوں نہیں کر سکتی، حافظ نعیم الرحمان نے مزید کہا کہ ریاست ماں ہے مگر یہ کیسی ماں جو لوگوں کی بنیادی ضروریات پوری نہیں کر سکتی، ملک پر نااہل لوگ قابض ہیں ، انہیں اپنی 78 سال کی ناکامی کا اعتراف کرنا چاہیئے کہ فوج، سیاستدان، جاگیردار یا سرمایہ دار کوئی بھی ملک کو درست طریقے سے نہیں چلا سکا، سب یہاں حاکم بنے رہے دراصل یہ قوم حاکم ہے، تم اس کے خادم ہو، تمہیں عوام کا خادم بننا پڑے گا کیونکہ نوجوان جاگ چکا ہے، امیر جماعت اسلامی نے کہا کہ
میں آپ سب کو اگلے ماہ لاہور میں جماعت اسلامی کے اجتماع عام میں شرکت کی دعوت دیتاہوں، یہ اجتماع ملک کا سب سے بڑااجتماع ہو گا جس میں لاکھوں لوگ شریک ہوں گے ، یہ اجتماع نظام کو بدلنے کے لیے پیش خیمہ ثابت ہو گا، ہم اجتماع عام میں چہرے نہیں نظام کو بدلنے کا پروگرام دیں گے گا۔
حافظ نعیم الرحمان نے کہا کہ
اسلام کا مطلب صرف عبادات نہیں بلکہ اسلام کے نظام کو غالب کر نا ہے، جماعت اسلامی نوجوانوں کے ساتھ ہے ، یہ نوجوان ملک میں انقلاب برپا کریں گے اور ملک کو ترقی کی راہ پر گامزن کریں گے۔