سامراج سے نجات کے لیے اسلامی تحریکوں کو مربوط حکمت عملی سے آگے بڑھنا ہوگا، حافظ نعیم الرحمن
6گھنٹے پہلے
سامراج سے نجات کے لیے اسلامی تحریکوں کو مربوط حکمت عملی سے آگے بڑھنا ہوگا، حافظ نعیم الرحمن
اہل فلسطین و حماس کی قربانیوں کو زبردست خراج تحسین
مدارس کے اساتذہ، علما اکرام مشترکات پر امت کو اکٹھا کریں، امیر جماعت اسلامی پاکستان کا منصورہ میں خطاب
امیر جماعت اسلامی پاکستان حافظ نعیم الرحمن نے کہا ہے کہ دنیا میں سامراجی نظام مسلط ہیں، فلسطین، کشمیر سمیت کئی خطوں میں مسلمانوں اور دیگر مظلوم قوموں پر ظلم و جبر جاری ہے، سامراج سے نجات کے لیے اقامت دین کی تحریکوں کو جامع اور مربوط حکمت عملی سے آگے بڑھنا ہوگا۔ مدرسین، علما اکرام فروعی اختلافات سے بالاتر ہو کر مشترکات پر امت کو اکٹھا کریں۔
ان خیالات کا اظہار انہوں نے منصورہ میں دینی مدارس کے اساتذہ سے خطاب کرتے ہوئے کیا۔ نائب امیر جماعت اسلامی پاکستان ڈاکٹر عطا الرحمن، سیکرٹری اطلاعات شکیل احمد ترابی، ناظم شعبہ تربیت حافظ سیف اللہ اور ناصر بلال بھی اس موقع پر موجود تھے۔ حافظ نعیم الرحمن نے اہل فلسطین و حماس کی قربانیوں کو خراج تحسین پیش کیا اور کہا کہ حماس نے صہیونی جارحیت کے مقابلہ میں عملی جدوجہد اور مزاحمت کے بعد سفارتی محاذ پر جس حکمت عملی اور بصیرت کا مظاہرہ کیا وہ اپنی مثال آپ ہے، اہل غزہ نے ثابت کیا کہ وہ عظیم قوم ہیں۔ حماس نے اسرائیل سمیت دنیا بھر کی طاقتوں کو مذاکرات پر مجبور کیا اور اپنی شرائط پر ٹرمپ معاہدہ پر پیش قدمی کی۔
امیر جماعت اسلامی نے کہا کہ جماعت اسلامی اقامت دین کی تحریک ہے جو فرقہ وارایت سے بالاتر ہوکر امت کے اتحاد کے لیے کاوشیں کررہی ہے۔ جماعت اسلامی تربیت، خدمت خلق، سیاست سمیت ہمہ جہتی میدانوں میں سرگرم عمل ہے، ہم تمام کام اللہ کی رضا کے حصول کے لیے کررہے ہیں۔ بانی جماعت سید مودودی کی فکر سے منور تحریک اسلامی نے دنیا بھر میں اسلامی تحریکوں کو متاثر کیا ہے۔ مدارس کے اساتذہ پر بھاری ذمہ داری عائد ہوتی ہے کہ وہ خلوص، عمل اور علم سے عوام کے دل و دماغ کو متاثر کریں اور انہیں اجتماعیت کے اصولوں کے تحت آگے لے کر چلیں، دلیل کی بنیاد پر اختلاف رائے ہماری کمزوری نہیں طاقت ہے۔ لبرل اور سیکولر طبقات کی تنقید کو بالائے طاق رکھ کر ہمیں معاشرے میں اسلامی اقدار کے فروغ کی جدوجہد جاری رکھنی ہے، نتائج اللہ تعالیٰ کے پاس ہیں۔ امیر جماعت اسلامی نے اس موقع پر اساتذہ کے مختلف سوالات کے جواب بھی دئیے۔
حج میں جانور ذبح کرنے کا مسئلہ
( سید ابو الاعلیٰ مودودیؒ )
ذکرِ الٰہی اور اس کے طریقے
( سید ابو الاعلیٰ مودودیؒ )
ملازمین کے حقوق
( سید ابو الاعلیٰ مودودیؒ )
حضرت علیؓ کی امیدواری خلافت؟
( سید ابو الاعلیٰ مودودیؒ )