بھارت اور پاکستان یکطرفہ طور پر کوئی حل کشمیریوں پر مسلط نہیں کر سکتے،لیاقت بلوچ
2سال پہلے
لاہور3 فروری 2022ء
نائب امیر جماعت اسلامی سیکرٹری جنرل ملی یکجہتی کونسل لیاقت بلوچ نے مسئلہ کشمیر پر علما کانفرنس اور کاسموپولٹین کلب میں سیمینار سے خطاب کرتے ہوئے کہا ہے کہ جموں وکشمیر پاکستان کی شہ رگ اوردل وجان ہے۔ پاکستان کے عوام بلاتفریق کشمیریوں کی آزادی کی جدوجہد میں پشتی بان ہیں۔ 5اگست 2019ء کے فاشٹ مودی اقدامات اقوامِ متحدہ قراردادوں، انسانی حقوق کے عالمی چارٹر کے صریحاً خلاف ہیں۔ مقبوضہ کشمیر کی تمام جماعتوں اور قیادت نے بھارتی اقدامات کو مسترد کر دیا ہے۔ کشمیر زمین کا تنازع نہیں ڈیڑھ کروڑ انسانوں کی آزادی، عقیدہ، انسانی حقوق کا مسئلہ ہے۔ بھارت اور پاکستان یکطرفہ طور پر کوئی حل کشمیریوں پر مسلط نہیں کر سکتے۔کشمیریوں کی رائے کو نظر انداز کر کے کوئی حل کشمیریوں کو قبول نہیں۔
لیاقت بلوچ نے کہا کہ 5فروری کو پوری قوم سڑکوں پر نکلے گی، یکجہتی کا اظہار کرے گی، کشمیریوں کی روزوالی قربانیوں کو خراج تحسین پیش کیا جائے گا۔ بھارتی عزائم، اقدامات کے مقابلہ میں کشمیری جدوجہد کی پشت بانی کا اعلان ہو گا۔ مقبوضہ کشمیر سے آئے مہاجرین تنہا نہیں بلکہ پوری قوم ان کے ساتھ ہے۔ مہاجرین کو سنبھالنا ریاست پاکستان کا دینی، قومی اور انسانی فرض ہے۔
لیاقت بلوچ نے کہا کہ قومی سلامتی پالیسی فوجی اور حکومتی قیادت نے بنا لی، مسئلہ کشمیرپر ابہام بڑھ گئے ہیں۔ پہلے ہی عمران خان حکومت کی مسئلہ کشمیر پر حکمت عملی مشکوک وشبہات کا شکار ہے۔ یکطرفہ سلامتی پالیسی عوام کی نمائندہ پالیسی نہیں، 5اگست 2019ء کے اقدامات کے چالاکی کے مقابلہ میں قومی سلامتی پالیسی اس کا مضبوط جواب دینے میں ناکام ہے۔ بھارت پاکستان کو ہر محاذ پر مات دینے، دہشت گردی پھیلانے میں مصروف ہے، حکومت کلبھوشن کو ریلیف دے رہی ہے۔
لیاقت بلوچ نے کہا کہ جموں وکشمیر کے عوام اور پاکستانی ملت 5 اگست 2019ء کے اقدامات کو مسترد کرتی ہے۔یہ بھارتی ظالمانہ جارحیت ہے۔ حکومت پاکستان اپنے اعلانات کے مطابق بزدلی نہ دکھائے۔جرأت کا مظاہرہ کرے، قومی سلامتی پالیسی کے ذریعے بھارتی حکمت کاری کے مقابلہ کے لیے مضبوط حکمتِ عملی بنائی جائے۔ کشمیریوں کو مایوس نہ کیا جائے، کشمیریوں کی مرضی، کشمیری قیادت کو نظرانداز کرنا خود پاکستان کے مستقبل کے لیے بھیانک ثابت ہو گا۔
حج میں جانور ذبح کرنے کا مسئلہ
( سید ابو الاعلیٰ مودودیؒ )
ذکرِ الٰہی اور اس کے طریقے
( سید ابو الاعلیٰ مودودیؒ )
ملازمین کے حقوق
( سید ابو الاعلیٰ مودودیؒ )
حضرت علیؓ کی امیدواری خلافت؟
( سید ابو الاعلیٰ مودودیؒ )