ملک خطرناک حالات سے دوچار ہے،خانہ جنگی کاخطرہ بڑھ رہاہے:حافظ محمدادریس
1سال پہلے
لاہور12 ستمبر 2023ء
جماعت اسلامی کے مرکزی راہنما حافظ محمدادریس نے ایک بیان میں کہا ہے کہ اس وقت ملک بدترین بحران کا شکار ہے۔ صورت حال مسلسل بگڑ رہی ہے۔ خانہ جنگی کی کیفیت ہے۔ یہ صورت حال معاشرے کے تمام طبقوں کے لیے خطرے اور تباہی کا الارم ہے۔ کوئی سیاستدان ہو یا سرمایہ کار، غریب کسان ہو یا جاگیردار،بے بس مزدور ہو یاکارخانہ دار، سول ہو یا فوجی سبھی کے لیے یہ حالات خطرے کی گھنٹی ہے۔ لوٹی ہوئی دولت، ٹیکس چوری،بجلی چور مافیاز کی سینہ زوری، آئی پی پیزکے ساتھ تباہ کن معاہدات، ان تمام امور پر سخت پالیسی سازی اور آہنی گرفت کی ضرورت ہے۔
آج ملک میں جنرل سیلز ٹیکس کی مد میں ایک عام اور غریب صارف ہی ٹیکس اداکررہاہے۔ کیوں کہ اس بے چار ے کے لیے اس کے سوا چارہ کارہی نہیں ہے۔ بڑے مگرمچھ بے حساب دولت کے باوجود ٹیکس ادا نہیں کرتے۔ مفت بجلی استعمال کرنے والے ہزاروں مراعات یافتہ شرفاء غریب کا خون چوس رہے ہیں۔ ڈالر سمگلنگ کی طرح تمام جرائم پر آہنی کریک ڈاؤن کی ضرورت ہے۔ ایسا نہ ہواتو خود کشی کرنے والے مجبور عوام اپنی جان لینے سے پہلے خانہ جنگی کاراستہ اختیارکرکے مراعات یافتہ اشرافیہ کی تباہی کا سبب بنیں گے۔ خونی انقلاب کسی کے حق میں بھی اچھا نہیں۔
حج میں جانور ذبح کرنے کا مسئلہ
( سید ابو الاعلیٰ مودودیؒ )
ذکرِ الٰہی اور اس کے طریقے
( سید ابو الاعلیٰ مودودیؒ )
ملازمین کے حقوق
( سید ابو الاعلیٰ مودودیؒ )
حضرت علیؓ کی امیدواری خلافت؟
( سید ابو الاعلیٰ مودودیؒ )