امیر جماعت اسلامی کا منشیات کی روک تھام، معاشرتی اصلاح کی سرگرمیوں کے بھرپور آغاز کا اعلان
9دن پہلے
اصلاح معاشرہ کے اہداف کے حصول کے لیے ملک بھر میں عوامی کمیٹیاں تشکیل دی جائیں گی، حافظ نعیم الرحمن
جماعت اسلامی ممبرز کنونشن منعقد کرے گی، سیاست کے ساتھ دعوتی اور اصلاحی سرگرمیاں جاری رکھیں گے، منصورہ میں ملک بھر کے تنظیمی اجلاس سے خطاب
امیر جماعت اسلامی حافظ نعیم الرحمن نے ملک بھر میں منشیات کی روک تھام، حکومت کی طبی و تعلیمی سرگرمیوں کی عوامی نگرانی اور معاشرتی اصلاح کی دیگر سرگرمیوں کے آغاز کا اعلان کردیا۔ اصلاح معاشرہ کے اہداف کے حصول کے لیے ملک بھر میں یونین کونسل کی سطح تک عوامی کمیٹیاں تشکیل دی جائیں گی۔
منصورہ میں ملک بھر کے تنظیمی اجلاس کی صدارت کرتے ہوئے امیر جماعت اسلامی نے واضح کیا عوامی کمیٹیاں سرکاری محکموں، پولیس کے کاموں میں مداخلت کی بجائے تعاون کے جذبہ کے تحت کام کریں گی اور محکموں میں کسی بھی خرابی کو پرامن عوامی ذرائع سے اجاگر کیا جائے گا۔اجلاس میں سیکریٹری جنرل امیرالعظیم، نائب امیر ڈاکٹر اسامہ رضی کے علاوہ دیگر مرکزی قائدین بھی شریک تھے جبکہ زوم کے ذریعے ملک بھر سے ایک ہزار سے زائد راہنما شریک ہوئے۔
امیر جماعت اسلامی کا کہنا تھا کہ سیاست کے ساتھ ساتھ جماعت اسلامی معاشرتی اصلاح اور دعوت کا کام بھی بھرپور طریقے سے جاری رکھے گی۔
حافظ نعیم الرحمن نے کہا کہ ممبرسازی مہم کے نتیجہ میں پورے ملک سے لاکھوں نئے افراد جماعت اسلامی میں شامل ہوئے، ان نئے ممبران کو عوامی کمیٹیوں میں شامل کیا جائے گا اور مختلف ذمہ داریاں تفویض کی جائیں گی۔ انہوں نے جماعت اسلامی کے رہنماؤں سے کہا کہ تحصیلوں کی سطح پر فوری طور ممبرز کنونشنز کا انعقاد کیا جائے تاکہ عوامی کمیٹیوں کی تشکیل کے عمل کو جلد ازجلد عملی جامہ پہنایا جاسکے۔ انہوں نے ہدایات جاری کیں کہ عوامی کمیٹیوں میں نوجوانوں کو شمولیت کے زیادہ سے زیادہ مواقع فراہم کیے جائیں۔ ان کا کہنا تھا کہ بلدیاتی اداروں سے رابطے، مصالحتی انجمنوں کا قیام، کسانوں کی ترجمانی مساجد کی صفائی ستھرائی اور دیگر کاوشیں بھی عوامی کمیٹیوں کی تشکیل کے مقاصد اور اہداف میں شامل ہیں۔
حافظ نعیم الرحمن نے ہدایات جاری کرتے ہوئے کہا کہ ہر عوامی کمیٹی میں مصالحتی انجمن تشکیل دی جائے جس میں مقامی علما، اساتذہ، ڈاکٹرز اور دیگر نمایاں اور نیک نام شخصیات کو شامل کیا جائے۔ عوامی کمیٹیاں کھیلوں کے مقابلے اور ٹیلنٹ ایوارڈز کے پروگراموں کا انعقاد کریں۔ خواتین کے لیے تربیتی نظام کی فراہمی، آبادی کے سکولوں کی نگرانی، طبی مراکز سے رابطے اور عوام الناس کو صحت کی سہولیات کی دستیابی بھی عوامی کمیٹیوں کے اغراض و مقاصد میں شامل ہے۔
انہوں نے کہا کہ ہر ضلع اور تحصیل کی سطح پر جماعت اسلامی یوتھ کو عوامی کمیٹیوں کی تشکیل کے اہداف دیے جائیں۔
حج میں جانور ذبح کرنے کا مسئلہ
( سید ابو الاعلیٰ مودودیؒ )
ذکرِ الٰہی اور اس کے طریقے
( سید ابو الاعلیٰ مودودیؒ )
ملازمین کے حقوق
( سید ابو الاعلیٰ مودودیؒ )
حضرت علیؓ کی امیدواری خلافت؟
( سید ابو الاعلیٰ مودودیؒ )