فیصل آبادیکم اکتوبر2019ء: اسلامی جمعیت طلبہ پنجاب کے زیراہتمام کشمیریوںسے اظہاریکجہتی اورطلبہ مسائل کے حل کے لئے فیصل آباد سے پندرہ روز بیداری طلبہ روڈ کارواں کاآغاز،شہرکے تمام تعلیمی اداروں کے سامنے ذمہ داران کاخطاب،طلبہ کی کثیرتعدادمیں شرکت،طلبہ مسائل کے حل کے لئے روڈکارواںفیصل آبادڈویژن،سرگودھاڈویژن ، گجرات ڈویژن،گوجرانولہ ڈویژن،راولپنڈی ڈویژن کے تعلیمی اداروںکے سامنے پہنچے گا،12اکتوبرکوایچ ای سی اسلام آبادکے سامنے دھرنادیاجائے گا۔جی سی یونیورسٹی کے سامنے روڈکارواں کے شرکاء سے خطاب کرتے ہوئے اسلامی جمعیت طلبہ پنجاب کے ناظم شاہزایب ڈارنے کہاکہ موجودہ حکومت طلبہ کے تعلیمی مسائل حل کرنے میں ناکام ہوچکی ہے جس کے خلاف اسلامی جمعیت طلبہ نے پنجاب بھرمیں 15روزہ روڈکارواںکرنے کا فیصلہ کیاہے ،انہوں نے کہاکہ ایچ ای سی کے بجٹ میں کٹوتی ،فیسوں میں ہوشربااضافے کے خلاف اورطلبہ یونین کی بحالی،تعلیمی اداروں میں ہاسٹلزکی فراہمی،ایک نصاب،ایک زبان،ایک نظام تعلیم اورکشمیریوںسے اظہاریکجہتی کے لئے یکم اکتوبرسے فیصل آبادسے شروع ہونے والے روڈ کارواں میں تعلیمی اداروں کے ہزاروں طلبہ شریک ہوں گے ۔12اکتوبرکو اسلام آبادمیں ایچ ای سی کے سامنے طلبہ اپنے مطالبات کی منظوری کے لئے دھرنادیں گے ۔انہوں نے کہاکہ وزیراعظم ہاوس کویونیورسٹی بنانے ،تعلیمی بجٹ میں اضافے کرنے کاوعدہ کرکے نوجوانوںکے ووٹ پر منتخب ہونے والا حکمران طبقہ تمام وعدوںسے مکرچکاہے،تعلیمی بجٹ میں کمی کرکے تعلیم دشمنی کا ثبوت دیاگیاہے،جبکہ وزیراعظم ہاوس کے اخراجات میں اضافہ تعلیمی بجٹ کی کٹوتی کرکے کیاگیاہے۔انہوں نے کہاکہ حکمران کشمیریوںسے اظہاریکجہتی کیلئے ریلیاںاورجلسے کرنے کی بجائے عملی اقدامات کریں اورپاک فوج کو کشمیریوںکو بھارتی ظلم وستم سے نجات دلانے کیلئے کشمیرمیں داخل کریں ملک بھرکے نوجوان طلبہ اپنی پاک فوج کے ہمراہ کشمیر کی آزادی کے لئے لڑنے کے لئے تیارہیں۔