کراچی 18 اپریل2019 جماعت اسلامی سندھ کے جنرل سیکریٹری کاشف سعید شیخ نے اورمارہ بلوچستان میں بسوں کے قافلے کو روک کر نہتے شہریوں کے قتل عام کے واقعہ کی شدید مذمت کرتے ہوئے کہا ہے کہ بزدل دہشتگردوں کی جانب سے نہتے شہریوں پر حملہ دشمن ملک کے ایجنٹوں کا کارنامہ ہے، دشمن سامنے وار کرنے میں شدید ہزیمت کا سامنا کرنے کے بعد اب اس طرح کی حرکتوں کے ذریعے قوم کے حوصلے پست اور بین الاقوامی طور پر پاکستان کو خطرناک ملک قرار دینے کی سازشوں میں مصروف ہے، کوئٹہ سانحے کے بعد اورمارہ میں معصوم شہریوں پر بزدلانہ حملے سے یہ ثابت ہوچکا ہے کہ بلوچستان میں کلبھوشن یادو کی باقیات اب بھی موجود ہیں۔ انہوں نے آج ایک بیان میں مزید کہا کہ ضرب عضب اور آپریشن راہ نجات میںملک دشمن عناصر اور بیرونی ایجنٹوں کی کمر ٹوٹ جانے کے بعد اب بلوچستان کو ایک بار پھر دہشتگردی کا نشانہ بنایا جارہا ہے ،بلوچ شدت پسندوں اور آزادی کے نام پر دہشتگردی کی کاروائیوں میں بھارتی ایجنٹ ملوث ہیں جن کو افغانستان میں پناہ گاہیں دی گئی ہیں، سی پیک کو ناکام اور پاکستان کو معاشی طور پر ناکام کرنے کیلئے عالمی استعماری قوتیں کام کررہی ہیں جن کو بھارت کی صورت میں پاکستان کا ازلی دشمن مکمل طور پر سپورٹ کررہا ہے۔سانحہ مستونگ،لورالائی اور دیگر شہروں میں بدترین دہشتگردی میں بھارت براہ راست ملوث ہے ، ضرورت اس بات کی ہے کہ پولیس، پاک فوج اور قانون نافذ کرنے والی ایجنسیوں کو اس طرح کے واقعات کی روک تھام کیلئے مزید چوکس اور دہشتگردوں کو عبرت کا نشان بنانے کیلئے مو ¿ثر حکمت عملی ترتیب اور آپریشن کرکے انہیں کیفر کردار تک پہنچایا جائے، انہوں نے متاثرہ خاندانوں سے دلی ہمدری، شہید ہونے والوں کی مغفرت ،حکومت سے شہید اور زخمی ہونے والوں کے ورثاءکی مالی مدد کرنے،بھی مطالبہ کیا ہے۔