Jamaat-e-Islami Pakistan | English |

امیرالعظیم قیم جماعت اسلامی

  1. امیر جماعت اسلامی سینیٹر سراج الحق نے مرکزی مجلس شوری کے مشورے سے امیرالعظیم کو جماعت اسلامی کا مرکزی سیکرٹری_جنرل مقرر کیا ہے۔
    امیر العظیم 1958ء میں لاہور میں پیدا ہوئے۔ اسلامیہ اسکول سنت نگر سے انھوں نے میٹرک اور اسلامیہ کالج ریلوے روڈ سے ایف ایف سی کا امتحان پاس کیا، جبکہ اسلامیہ کالج سول لائنز سے فزکس ڈبل میتھ کے ساتھ بی ایس سی، اور پنجاب یونیورسٹی میں ایم بی اے کی ڈگری حاصل کی۔
    امیرالعظیم اسکول کے زمانے سے اسلامی جمعیت طلبہ کے ساتھ وابستہ ہو گئے تھے۔ پنجاب یونیورسٹی سٹوڈنٹس یونین کے منتخب صدر رہے۔ اسلامی جمعیت طلبہ کے ناظم اعلی کے طور پر فرائض انجام دیے۔
    امیر العظیم ایک طویل عرصہ جماعت اسلامی کے مرکزی سیکرٹری اطلاعات رہے۔ اس کے بعد جماعت اسلامی لاہور کے طور پر فرائض انجام دیے۔ کچھ عرصہ پہلے انھیں جماعت اسلامی وسطی پنجاب کا امیر منتخب کیا گیا تھا۔
    امیر العظیم نے ضیاء الحق دور میں طلبہ یونین کی بحالی کے لیے لانگ مارچ کیا، اور اس کے لیے جیل کی صعوبتیں برداشت کی۔ وہ اسلامی جمعیت طلبہ کے ناظم اعلی منتخب ہوئے تو جیل میں قید تھے۔
    امیر العظیم فیوچرز ویژن کمیونیکیشن کے چیف ایگزیکٹو ہیں۔
    امیر العظیم نے وکلا تحریک میں اہم کردار کیا۔ چیف جسٹس بحالی لانگ مارچ میں شیل ان کے سر پر لگا تھا۔
    امیر العظیم سیاسی و سماجی اور صحافتی حلقوں میں اپنی نرم خوئی اور بہترین تعلقات کی وجہ سے جانے جاتے ہیں۔

 
 
 
 
     ^واپس اوپر جائیں



سوشل میڈیا لنکس