کراچی 15 جنوری2019 جماعت اسلامی سندھ کے امیرو سابق ایم این اے محمد حسین محنتی نے کہاہے کہ سودی نظام معیشت سے ہماری معیشت تباہ اور اللہ کے احکامات سے بغاوت کے نتیجے میں آج پوری انسانیت بھوک افلاس و دہشت گردی کی لپیٹ میں ہے۔ تمام مسائل سے نجات اور دنیا و آخرت کی کامیابی صرف قرآن و سنت پر عمل کرنے میں ہے۔ ان خیالات کا اظہار انہوں نے سکرنڈ میں سابق امیر ضلع و مربی مرحوم مولانا عبدالواحد کی بیٹی کی وفات پر لواحقین سے تعزیت کے بعد بات چیت کے دوران کیا۔ مرحومہ کے بھائی حسین احمد، مقامی امیر عاشق علی ، ضلعی امیر سرور احمد قریشی ، ضلعی جنرل سیکریٹری سردار احمد آرائیں و دیگر بھی موجود تھے۔ محمد حسین محنتی نے مزید کہا کہ دنیا آخرت کی کھیتی ہے جو بوئے گا وہی کاٹے گا ،دعوت دین کا کام اور عمل کرنے میں ہی ہمارے رزق و عمر میں برکت اور تمام دنیاوی مسائل سے نجات حاصل کر سکتے ہیں۔ جماعت اسلامی کی جدوجہد کا مقصد اپنی سیرت و کردار کی تعمیر کے ساتھ اصلاح معاشرہ اور اللہ کی دھرتی پر اللہ کا نظام نافذ کرنا ہے۔