Jamaat-e-Islami Pakistan | English |

منشیات کا سارا دھندہ انتظامیہ کی ناک کے نیچے ہوتا ہے،منشیات نے نوجوان نسل کوبے کارکردیا ہے۔میاں عتیق الرحمن


فیصل  آباد19دسمبر 2018:جماعت اسلامی حلقہ پی پی 113کے امیرراناطٰہٰ خاں،جنرل سیکرٹری میاںعتیق الرحمن،نائب امیرڈاکٹرمحمدانوراوردیگرذمہ داران نے کہا ہے پولیس کی ملی بھگت سے شہر بھرمیں کھلنے والے منشیات،،جوئے اور بدکاری کے اڈوں کی بڑھتی ہوئی تعداد پرگہری تشویش کا اظہارکرتے ہوئے کہاہے کہ ان اڈوں کی وجہ سے نوجوان نسل بے راہ روی اور اخلاقی پستیوں کاشکار ہو رہی ہے۔منشیات کی لعنت نے نوجوان نسل کوبے کارکردیا ہے،پرچی مافیاکی وجہ سے لوگ کنگال ہوررہے ہیں۔منشیات کا سارا دھندہ انتظامیہ کی ناک کے نیچے ہوتا ہے،عوامی احتجاج کے باوجود پولیس خاموش تماشائی کا کردار اداکررہی ہے۔انہوں نے کہاکہ چند ٹکوں کی خاطر معاشرے اور انتظامیہ میں موجود کالی بھیڑیں نوجوان نسل کو تباہ کرنے پر تلی ہوئی ہیں جن کی سرکوبی کرنے کی ضرورت ہے۔ منشیات کے خاتمے کے لئے بنائی گئی انسداد منشیات فورس کا بھی کہیں کوئی کردار نظرنیں آ رہا۔انہوں نے کہا کہ شہر بھرمیں نشئی سارا دن نشہ کی حالت میں سٹرکوں کے کنارے پڑے رہتے ہیں اورایک دوسرے کونشہ آور انجکشن لگاتے نظر آتے ہیں جس کی وجہ سے ہیپا ٹائٹس اوردیگر بیماریاں تیزی سے پھیل رہی ہیں۔انہوں نے کہا کہ شہرکے پوش علاقوں میں میڈیکل سٹوروں پر نشہ آور انجکشن اور ادویات سرعام فروخت ہورہی ہیں مگرمقامی انتظامیہ نے چپ سادھ رکھی ہے۔انہوں نے کہا کہ منشیات،جوئے اور بدکاری کے اڈوں کی وجہ سے شہری شریف شدیدپریشانی کاشکارہورہے ہیں۔جماعت اسلامی کے رہنمائوںنے مطالبہ کیاکہ ضلعی انتظامیہ فوری طور پرایک بڑاآپریشن کرکے ان اڈوں کوختم کروانے کے لیے اپناکرداراداکرے اورمحکمہ میں چھپی ہوئی ان کالی بھیڑوں کی بھی سرکوبی کی جائے جوان اڈوں کی سرپرستی کررہے ہیں۔

 
 
 
 
     ^واپس اوپر جائیں



سوشل میڈیا لنکس