Jamaat-e-Islami Pakistan | English |

اہم خبریں

تمام جماعتوں کو برابری اور آزادی کے ساتھ انتخابی مہم چلانے کا موقع دیا جائے۔ اسد اللہ بھٹو


 

کراچی11جولائی 2018 ء:متحدہ مجلس عمل کے مرکزی رہنماءاور این اے 242پر نامزد امیدوار اسداللہ بھٹونے کہا ہے کہ کئی سالوں سے اقتدار کو سیڑھی بناکر عوام کا خون چوسنے والے سیاست دانوں کے گرد گھیرا تنگ ہونا اللہ کی پکڑ اور عوام کی فتح ہے۔ شفاف انتخابات کے ساتھ ساتھ بلا تفریق احتسابی عمل قومی مفاد میں ہے۔ الیکشن کمیشن ضابطہ اخلاق پر عمل درآمد اور تمام سیاسی جماعتوں کو آزادی کے ساتھ انتخابی مہم چلانے کا برابر موقع دیا جائے۔ عوام 25 جولائی کو گھروں سے نکلیں اور اپنے ضمیر کے مطابق ووٹ کے حق کا استعمال کریں۔ ان خیالات کا اظہار انہوں نے مجلس عمل کے تحت جونیجو کالونی میں کارنر جلسہ، مچھر کالونی اور یثرب گوٹھ میں معززین سے ملاقاتوں اور کارنر میٹنگز سے خطاب کے دوران کیا۔ صوبائی اسمبلی کے پی ایس 99 پر امیدوارمولانا غیاث، مولانا علیم الحق، امیر زون واجد شیخ، امین اشعر، حاجی طور خان اور ملک مقصود نے بھی خطاب کیا۔ اسد اللہ بھٹو نے کہا کہ جمہوری سسٹم میں حالات جیسے بھی ہوں انتخابات ہی تبدیلی کا ذریعہ ہوتے ہیں۔ اس لیے تو کہا جاتا ہے کہ بہترین آمریت سے لولی لنگڑی جمہوریت ہی بہتر ہے۔ پی ایس 99 پر امیدوار مولانا محمد غیاث نے خطاب کرتے ہوئے کہا کہ ہمارا مقابلہ کرپٹ و سیکولر لابی سے ہے عوام دوبارہ ان لوگوں کے جھانسے میں آنے اور چمک دمک کی بجائے ایم ایم اے کے دیانتدار و درویش نمائندوں کو ووٹ دیں۔

 

 
 
 
 
     ^واپس اوپر جائیں

سوشل میڈیا لنکس