لاہور 10فروری 2018ء:امیر جماعت اسلامی پاکستان سینیٹر سراج الحق ، لیاقت بلو چ ، حافظ محمد ادریس ، راشد نسیم ، ڈاکٹر فرید احمد پراچہ ، میاں محمد اسلم ، پروفیسر محمد ابراہیم ، اسد اللہ بھٹو اور دیگر قائدین و کارکنان نے فیصل آباد سے جماعت اسلامی کے بزرگ رہنما اور دو شہدا کے باپ محمد زمان بٹ کے انتقال پر گہرے دکھ اور افسوس کا اظہار کرتے ہوئے ان کے خاندان سے اظہار تعزیت کیاہے۔

سینیٹر سراج الحق نے اپنے تعزیتی بیان میں مرحوم کی غلبہ اسلام اور تحریک آزاد ی کشمیر کی کامیابی کے لیے جدوجہد کو زبردست خراج عقیدت پیش کرتے ہوئے کہاکہ مرحوم نے اپنے دو بیٹوں کو کشمیر کی آزادی کی تحریک پر نچھاور کیا ۔ جماعت اسلامی کے رہنماﺅں نے مرحوم کے لیے جنت میں اعلیٰ مقام اور خاندان کے لیے صبر جمیل کی دعا کی ہے ۔

دریں اثنا سینیٹر سراج الحق ، لیاقت بلوچ اور مرکزی سیکرٹری اطلاعات امیر العظیم نے سینئر صحافی اور جنگ گروپ کے ایڈیٹر سپورٹس شاہد شیخ کی بیٹی اور شیخ سہیل احد کی بھتیجی کی وفات پر گہرے دکھ اور افسوس کا اظہار کرتے ہوئے مرحومہ کے لیے مغفرت اور خاندان کے لیے صبر جمیل کی دعا کی ہے ۔