Jamaat-e-Islami Pakistan | English |

اہم خبریں

جماعت اسلامی لاہور جنوری میں شہر بھر میں "ووٹرز، سپورٹرزـ" مہم کا آغاز کرے گی ۔ ذکراللہ مجاہد


لاہور 30دسمبر2017ء:امیر جماعت اسلامی لاہور ذکر اللہ مجاہد نے کہا ہے کہ جماعت اسلامی لاہور جنوری میں شہر بھر میں ہر یوسی اور وارڈ کی سطح پرــ ـ"ووٹرز، سپورٹرز" مہم کا آغاز کرے گی جو 2018 کے انتخابات کی تیاریوں کے حوالے سے نقطہ آغاز ثابت ہو گی اور اس مہم میں ہر سطح کے ذمہ داران اور کارکنان پوری قوت کے ساتھ عوام میں الیکشن تک "ووٹر ز،سپورٹرز" مہم چلائیں گے۔ان خیالات کا اظہار انہوں نے جماعت اسلامی لاہور کے زیر اہتمام شہر کے بھر کے ذمہ داران کے خصوصی اجلاس سے خطاب کرتے ہوئے کیا ۔ اس موقع پر سیکرٹری جنرل جماعت اسلامی لاہور انجینئر اخلاق احمد ، نائب امراء جماعت اسلامی لاہور ملک شاہد اسلم ، ضیا ء الدین انصاری ، انجینئرخالد عثمان ، صدر الخدمت فائونڈیشن لاہور عبدالعزیز عابد ، سابق ایم اے سید احسان اللہ وقاص ، جے آئی یوتھ لاہور کے صدر شاہد نوید ملک، امرا ء علاقہ جات خالد احمد بٹ، عبدالرشید مرزا ، چوہدری محمد شوکت ، حاجی ریاض الحسن ، ملک شفیق ، سیکرٹری سیاسی کمیٹی چوہدری محمود الاحدودیگر ذمہ داران نے بڑی تعداد میں شرکت کی۔ انہوں نے کہا کہ جما عت اسلامی کا ہر کارکن امیر جماعت اسلامی پاکستان سینیٹر سراج الحق کے اسلامی پاکستان اور خوشحال پاکستان کے وژن کو آگے بڑھانے کے لیے عزم اور کمر بستہ ہو جائے۔ انہوں نے مزید کہا کہ ملک کو اس وقت لبرل اور سیکولر اسٹیٹ بنانے کی کوشش کی جارہی ہے اور یہ مذموم کوشش کرنے والے نامراد کبھی کامیاب نہیں ہوں گے۔انہوں نے کہا کہ جماعت اسلامی لبرل اور سیکولر طبقے کی ان مذ موم خواہشات کو پورا نہیں ہونے دے گی اور ہم ملک میں عوامی طاقت کے ذریعے ایک مبارک اسلامی انقلاب برپا کریں گے جو عوام کی ترقی اور خوشحالی کا ذریعہ بنے گا۔ ہم پاکستان کو مدینے جیسی اسلامی اور فلاحی ریاست بنانا چاہتے ہیں ۔انہوں نے کہاکہ الیکشن 2018ء کیلئے ہر سطح کے ذمہ داران اور کارکنان کی تمام تر توانائیوںکو بروئے کار لاتے ہوئے عوام کو جماعت اسلامی کے منشور آگا ہ کریں گے ۔ جماعت اسلامی کرپشن اور مذہبی فرقہ واریت سے بالاتر واحد دینی ، سیاسی اور جمہوری جماعت ہے جو ملک میں عوامی طاقت کے ذریعے مثبت تبدیلی کی خواہاں ہے ۔

 
 
 
 
     ^واپس اوپر جائیں









سوشل میڈیا لنکس