Jamaat-e-Islami Pakistan | English |

21تا23نومبرکواجتماع عام کے حوالے سے سرکلر


 

سرکلر برائے امرائے صوبہ /قیمین صوبہ /قیمہ حلقہ خواتین /ناظمات صوبہ

 

مکرمی ومحترمی /محترمہ

 

السلام علیکم ورحمة اللہ وبرکاتہ

اُمید ہے مزاج گرامی بخیر ہوں گے۔

جماعت اسلامی کے کل پاکستان اجتماع عام کی اطلاع یقیناآپ کو مل گئی ہوگی ۔ ان شاءاللہ تعالیٰ یہ اجتماع عام 23--22--21 نومبر 14ءبروزجمعہ ، ہفتہ ،اتوارمینارپاکستان لاہور میں منعقد ہوگا۔ اجتماع کے انتظام وانصرام کے لیے متعدد کمیٹیاں اپنے کام کاآغاز کرچکی ہیں۔ سردست اجتماع عام فنڈ کے حوالے سے چند گذارشات آپ تک پہنچانا مقصود ہے۔ گذشتہ سرکلر میں ذمہ داران جماعت سے گزارش کی گئی ہے کہ وہ وسائل اور افراد کی شرکت کے حوالے سے اپنا پلان بنا کر فوراً کام شروع کردیں ۔ اجتماع عام کی ہر سرگرمی (event)کے لیے وسائل کی موجودگی ایک لازمی امر ہے۔ صوبہ جات کے ذمہ درج ذیل تفصیل کے مطابق اجتماع عام فنڈ طے کیاگیاہے۔

          پنجاب             ڈیڑھ کروڑ روپے

          کراچی             ایک کرو ڑ روپے

          صوبہ خیبر پختونخوا  50لاکھ روپے

          حلقہ خواتین        50لاکھ روپے    

          صوبہ سندھ        25لاکھ روپے

          صوبہ بلوچستان      5لاکھ روپے

۔         مذکورہ بالا ہدف کو حاصل کرنے کے لیے درج ذیل شہروں میں اکتوبر کے پہلے عشرے میں فنڈریزنگ پروگرام منعقد کیے جائیں گے۔ محترم امیرجماعت ان پروگرامز میں شریک ہوں گے۔ مرکزی سیل برائے اجتماع عام ،صوبائی نظم کے ساتھ مل کر ان پروگرامات کے انعقاد کو یقینی بنائے گا۔

پنجاب :                     لاہور ، راولپنڈی ، اسلام آباد، فیصل آباد ، سیالکوٹ ،گجرات ، گوجرانوالہ ،سرگودہا ، ملتان، بہاولپور

خیبر پختونخوا:       پشاور ، مردان ،ایبٹ آباد، مالاکنڈ ڈویژن

سندھ :                      کراچی ، حیدرآباد، سکھر

۔        قیم جماعت امرائے صوبہ کے ساتھ مل کر فنڈز کے حصول کو بر وقت اور یقینی بنانے کے لیے جلدمیٹنگ کریں گے۔

۔         مرکز جماعت کی طرف سے 100،500اور 1000روپے والے کوپنز برائے اجتماع عام فنڈ جاری کیے جائیں گے۔ کوشش کی جائے گی کہ ستمبر کے آخری ہفتہ میں یہ کوپنز صوبائی نظم تک پہنچا دیئے جائیں ۔

صوبہ جات اور حلقہ خواتین اپنی ضرورت کے مطابق کوپنز کی تعداد سے جلد از جلد مرکزی مالیات کو مطلع فرمائیں ۔

اضلاع کو اجتماع عام فنڈ کا ہدف اور کوپنز صوبہ جات خود دیں گے۔

اللہ تعالیٰ سے دعاہے کہ وہ اس تاریخی اجتماع کے کامیاب انعقاد کو ہمارے لیے ممکن بنائے ، اپنی مدد و نصرت سے ہمیں نوازے اور اس اجتماع کو پاکستان میں پاکیزہ اسلامی انقلاب کا پیش خیمہ بنائے ،آمین۔

                                                                             والسلام

                                                                             خاکسار

 

 

                                                                     (لیاقت بلوچ )

                                                                   قیم جماعت اسلامی پاکستان

 
 
 
 
     ^واپس اوپر جائیں









سوشل میڈیا لنکس