Jamaat-e-Islami Pakistan | English |

بیرون ملک ارکان جماعت کے حوالے سے سرکلر

بخدمت امرائے صوبہ ،حلقہ اور اضلاع جماعت اسلامی پاکستان

بخدمت قیمہ ،ناظمات صوبہ اور اضلاع حلقہ خواتین جماعت اسلامی پاکستان

بخدمت سربراہان برادر تنظیمات جماعت اسلامی پاکستان

 

السلام علیکم ورحمتہ اللہ وبرکاتہ

امید ہے آپ خیریت سے ہوں گے۔

مختلف امراءاضلاع نے توجہ دلائی ہے کہ بیرون ملک ارکان جماعت کے ساتھ رابطہ نہ ہونے کی وجہ سے انتخابات اور استصواب کے اہم مواقع پر بھی رائے کا استعمال نہیں کرپاتے ۔ اس لیے ان کے بارے میں حتمی فیصلہ کرنے کی ضرورت ہے۔

مرکزی ذمہ داران کے مشاورتی اجلاس میں اس کے بارے میں غور کیاگیاہے اور طے پایاہے کہ کوئی حتمی فیصلہ کرنے سے پہلے بیرون ملک ارکان جماعت کی ضلع وار فہرست منگوا لی جائے تاکہ بیرون ملک ارکان جماعت کی کل تعداد معلوم ہوجائے اور فیصلہ کرنے میں بھی آسانی رہے۔

 آپ سے گزارش ہے کہ اس کام کی اہمیت کے پیش نظر فوری توجہ دیں اور اپنے ضلع کی تعداد/فہرست اپنی رائے کے ساتھ مرکز جماعت میں جلد از جلد بھجوادیں ۔ آپ کے تعاون کے لیے شکرگزار ہوں گا۔

دعاہے اللہ تعالیٰ ہم سے وہ کام لے لے جس سے وہ راضی ہوجائے ،آمین۔

                                                                         والسلام

                                                                         خاکسار

                                                                      (راشد نسیم )   

                                                        نائب امیر جماعت اسلامی پاکستان

 


 
 
 
 
     ^واپس اوپر جائیں

سوشل میڈیا لنکس